Náttúru- og raunvísindabraut

Námi á náttúru- og raunvísindabraut er ætlað að veita nemendum góða, almenna undirstöðuþekkingu í bóklegum greinum með áherslu á náttúru- og raunvísindi. Nám á brautinni er góður grunnur undir frekara nám á háskólastigi í náttúru- og raunvísindagreinum s.s. heilbrigðisvísindum, náttúruvísindum, stærðfræði og tæknigreingum. Námið er 200 einingar og því lýkur með stúdentsprófi.

Inntökuskilyrði
Nemendur skulu hafa lokið grunnskólaprófi til að innritast á brautina.  Til að hefja nám á öðru hæfniþrepi í dönsku, ensku, íslensku og stærðfræði þarf nemandi að hafa náð hæfnieinkunn B við lok grunnskóla eða hafa lokið fyrsta þreps áfanga í þessum greinum.  Nánar er fjallað um inntöku og inntökuskilyrði í skólanámskrá skólans.

Hæfniviðmið
Að loknu námi skal nemandi hafa hæfni til að ...

• nota almenna þekkingu á sviði náttúru- og raunvísinda.
• beita viðurkenndum vísindalegum aðferðum við greiningu viðfangsefna, öflun upplýsinga, mat, úrvinnslu og túlkun (m.a. læsi á tölfræðilegar upplýsingar).
• fjalla um og taka þátt í upplýstri umræðu um ýmis mál er tengjast samspili vísinda, tækni og samfélags.
• lesa fræðitexta á íslensku og ensku. 
• takast á við frekara nám, einkum í náttúru- og raunvísindum, heilbrgiðisvísindum, verkfræði eða skyldum greinum á háskólastigi.

Brautarlýsing nemenda sem hófu nám á vorönn 2020 eða fyrr.

Neðangreind brautarlýsing á við fyrir nemendur sem hefja nám á haustönn 2020 eða síðar. 
Skipting á annir.

Frjálst val nemenda eru 19 einingar. Hafa þarf í huga við allt val að einingar á fyrsta þrepi geta verið 55 að hámarki, annars þreps einingar 100 að hámarki og það þurfa að vera að lágmarki 45 einingar á þriðja þrepi. Mikilvægt er að nemendur dýpki sig í ákveðnum greinum til að vera betur í stakk búnir að takast á við frekara nám og mæta aðgangsviðmiðum þeirrar námsleiðar sem þeir stefna á í háskóla.

BYRJUNARÁFANGAR - Nemendur sem hafi lokið íslensku, ensku, dönsku eða stærðfræði í grunnskóla með einkunnina C eða C+ hefja nám í eftirtöldum áföngum á 1. þrepi. ÍSLE1UN05, ENSK1BY05, DANS1GR05 og STÆR1GR05

Síðast breytt 16.06.2020