Mætingarreglur Fjölbrautaskóla Snæfellinga

Hægt er að fá einingu fyrir skólasókn (raunmætingu) á hverri önn ef nemandinn hefur að lágmarki 96% skólasókn yfir önnina. 

Einkunn er gefin fyrir skólasókn og birtist hún í námsferli nemenda og á útskriftarskírteini. 

Ef raunmæting nemanda er komin undir 88% telst hann vera kominn undir lágmarksmætingu. 

Mæting nemenda er skráð í Innu og er aðgengileg nemendum og forráðamönnum ólögráða barna.  

Fari raunmæting niður fyrir 80% um leið og skólasóknareinkunn er undir 88% fer í gang ferli (sjá nánar í mætingarreglum FSN). 

Kennara er heimilt að veita nemanda kennaraleyfi (K) sýni nemandi fram á að hann sé búinn að vinna þau verkefni sem lögð hafa verið fyrir þá vikuna á fullnægjandi hátt. 

Dagskólanemendur verða að fá leyfi hjá kennara fyrir kennslustund til að mæta  á Teams. 

Nemendur við framhaldsdeild á Patreksfirði mæta í tíma á Teams í húsnæði deildarinnar á Patreksfirði.