Busadagur að baki

4.9.2009

Þann 3. september síðastliðinn var busadagurinn haldinn hátíðlegur í Fjölbrautaskóla Snæfellinga en 125 nýnemar hófu nám við skólann í haust. Dagskrá busadagsins var í höndum NFSN - nemendafélags skólans og sáu eldri nemendur skólans um að vígja nýnemana inn í skólann með pompi og prakt.

Nýnemar voru klæddir upp að morgni við komu í skólann í svarta plastpoka, málaðir í framan og látnir syngja og dansa bæði á göngum skólans og á götum úti.

Busar voru leiddir um götur Grundarfjarðar upp í gil ofan við bæinn, þar sem tók við umferð á þrautabraut sem eldri nemendur höfðu veg og vanda af að koma fyrir og leiðbeina nýnemum um.  Um hádegisbilið var svo boðið til grillveislu í tilefni dagsins og kvöldinu lauk  með dansleik þar sem Ingó og Veðurguðirnir léku fyrir dansi.

Líta má myndir af atburðum dagsins á myndasíðu skólans sem sett hefur verið á laggirnar.

Til baka Senda grein Prenta greinina