Fréttir
Sagnasamkeppni Rökkurdaga í Grundarfirði.
Nemendur í Fjölbrautaskóla Snæfellinga lentu í fyrsta og öðru sæti.
Á samverustund í Sögumiðstöð, sunnudaginn 27. október, voru úrslit sagnasamkeppni Rökkurdaga gerð kunn. Guðrún Eva Mínervudóttir rithöfundur hóf dagskrána á því að lesa upp úr tveimur skáldsagna sinna, en las því næst sögurnar sem lentu í þremur efstu sætunum. Sagan sem lenti í fyrsta sæti heitir Munaðarleysingjahælið og er eftir Sigurð Má Eggertsson og hlaut hann kr. 15.000 í verðlaun. Í öðru sæti varð sagan Fjöruferð eftir Hafdísi Lilju Haraldsdóttur og hlaut hún kr. 10.000 í verðlaun. Í þriðja sæti varð sagan Tjái eftir Sigríði Diljá Guðmundsdóttur og hlaut hún 5.000 kr. í verðlaun.
Fjölbrautaskóli Snæfellinga óskar vinningshöfum til hamingju.