Fréttir
Morfís
Fimmtudaginn 16. nóvember fór hópur á vegum skólans og nemendafélagssins til Egilsstaða til að taka þátt í Morfís, ræðukeppni framhaldsskólanna.
Umræðuefnið var trú og mælti okkar lið með en lið Menntaskólans á Egilsstöðum á móti. Lagt var af stað snemma á fimmtudagsmorgni og flogið frá Reykjavík til Egilsstaða. Nemendafélag ME tók mjög vel á móti hópnum og útvegaði þeim meðal annars bíl til afnota á meðan dvölinni stóð. Fimmtudagurinn fór að mestu í undirbúning og voru ræðurnar fluttar nokkuð oft yfir daginn, um kvöldið var svo komið að keppninni og stóð okkar fólk sig vel í öllum ræðum en því miður þá töpuðu þau keppninni. Á föstudeginum fór hópurinn heim, þreyttur en samt mjög kátur og munu mæta tvíefld til keppninnar að ári.
