Í samvinnu við Fjölbrautaskóla Vesturlands á Akranesi (FVA) er hægt að taka eins árs nám í bygginga- og málmiðngreinum í FSN. Á brautinni eru almennar bóklegar greinar ásamt grunnteikningu, upplýsingatækni og verktækni grunnnáms. Verktækni grunnnáms er verklegt nám sem fer að stærstum hluta fram í FSN auk námskeiða á verkstæðum FVA. Lesa meira

Almenn braut veitir nemendum undirstöðuþekkingu í kjarnagreinum og gefur nemendum jafnframt tækifæri til að glíma við fjölbreytileg viðfangsefni í list- og verknámi og býr þá undir frekara nám eða störf. Lesa meira

Námi á náttúrufræðibraut er ætlað að veita nemendum góða, almenna undirstöðuþekkingu í bóklegum greinum með áherslu á sérsvið náttúruvísinda. Brautin býr nemendur undir framhaldsnám í háskóla í náttúruvísindum, stærðfræði og öðrum greinum sem byggjast á góðri undirstöðu í náttúruvísindum, s.s. heilbrigðisgreinum og landbúnaðarfræðum. Lesa meira

Félagsfræðabraut er ætlað að veita nemendum góða og almenna undirstöðuþekkingu í bóklegu námi með áherslu á samfélagsgreinar. Brautin býr nemendur undir framhaldsnám í háskóla, einkum á sviði félagsvísinda.

Lesa meira

Málabraut er ætlað að veita nemendum góða, almenna undirstöðuþekkingu í bóklegum greinum með áherslu á erlend tungumál, s.s. ensku, dönsku og a.m.k. tvö önnur tungumál.

Meginmarkmið brautarinnar er að nemendur fái góða undirstöðuþekkingu á sem flestum sviðum tölvutækninnar og öðlist færni sem nýtist þeim á vinnumarkaði og í áframhaldandi nám á þessu sviði.

Markmið viðskiptabrautar er að búa nemendur undir almenn verslunar-­ og skrifstofustörf. Námið er almennt viðurkennt sem góður undirbúningur til starfa í verslun og viðskiptum og veitir rétt til verslunarleyfis að öðrum skilyrðum fullnægðum. Brautinni lýkur með almennu verslunarprófi.