STÆ 413 Tölfræði og líkindareikningur II

Undanfari: STÆ 313

Áfangamarkmið

Nemandi
geti nýtt einfalda líkindadreifingu sem líkan við útreikning líkinda
þekki grunnatriði úrtaksfræði, þar með talda meginmarkgildissetningu tölfræðinnar 
kunni að nota úrtaksdreifingu við framsetningu tölfræðilegra ályktana 
kunni að fara með hugtökin öryggisbil, öryggismörk, skekkjumörk, öryggisstig o.s.frv. 
geti sett fram tilgátu og gert á henni viðeigandi tölfræðilegt próf 
geti reiknað út fylgni milli tveggja breytna 
geti túlkað fylgnistuðla 
kannist við einföld hugtök línulegrar aðhvarfsgreiningar, s.s. að finna bestu línu gegnum gagnapunkta í sléttum fleti 
geti nýtt sér tölfræðileg forrit við gagnavinnslu, prófanir og ályktanir 

Efnisatriði 
Útreikningar í tengslum við normlega dreifingu, t-dreifing. Meginmarkgildissetning tölfræðinnar. Úrtaksdreifing, öryggisbil, tilgátuprófanir og helstu fyrirvarar á tölfræðilegum ályktunum. Fylgniútreikningar, aðhvarfsgreining.

Námsmat 
byggist á
verkefnum sem nemendur vinna í kennslustundum og utan þeirra og frammistöðu í kennslustundum
skriflegu prófi eða lokaverkefni þar sem reynir á þekkingu á efnisatriðum, færni í beitingu stærðfræðilegrar tækni, beitingu reiknitækja, skýra framsetningu, röksemdafærslu, skilning á röklegu samhengi og færni í að leysa verkefni