LAN 203 Hagræn landafræði

Undanfari: LAN 103

Áfangamarkmið
Náttúruauðæfi
Nemandi
átti sig á auðlindum Íslands í samanburði við auðlindir annarra landa
geri sér grein fyrir merkingu hugtaka eins og auðlind og forði og get beitt þeim á ólíka vegu
ræði um misskiptingu náttúruauðæfa
flokki auðlindir og greini bæði náttúrufarsleg og efnahagsleg vandamál er tengjast nýtingu þeirra
kynnist helstu hagnýtu jarðefnum heims, svo sem iðnaðar- og byggingarefnum, hvar þau er að finna, megindráttum í myndun og efnahagslegum forsendum fyrir nýtingu þeirra
þekki helstu orkugjafa í heiminum, svo sem vatnsorku, jarðvarma, olíu, gas, kol og kjarnorku, og hvernig orka er undirstaða tæknivæddra samfélaga
kynni sér sérstaklega hagnýtingu jarðefna og orkugjafa á Íslandi og í heimabyggð
geri sér grein fyrir umhverfisáhrifum orkunotkunar í heiminum, á Íslandi og í heimabyggðinni sérstaklega
Framleiðsluatvinnuvegir
Verslun og samgöngur
Nemandi
kynni sér flutninga í lofti, á láði og legi og samkeppni milli þessara mismunandi tegunda af flutningum
kynni sér ólík samgöngukerfi og þróun þeirra
skoði mynstur flutningsleiða á landakorti og átti sig á samhengi þess við landslag og búsetumynstur
kanni umfang verslunar í heiminum og utanríkisverslun Íslands sérstaklega
þekki helstu viðskiptabandalög heims, svo sem ESB, Fríverslunarsamtök Norður-Ameríku (NAFTA), en sérstaklega þau viðskiptabandalög sem Ísland er aðili að, t.d. Fríverslunarsamtök Evrópu (EFTA), EES og Alþjóðaviðskiptastofnunina (WTO)
Nemandi
kynni sér samninga sem Ísland á aðild að, eins og Schengen-samkomulagið, og hvað í þeim felst
geri sér grein fyrir muninum á verslun og samgöngum í þróunarlöndum annars vegar og iðnríkjum hins vegar og tengslum þessa við náttúrufar á hverjum stað
kynni sér þróunarsamvinnu vel stæðra ríkja og þróunarlanda
þekki kenningar um efnahagsþróun, svo sem um áhrif miðstýringar og frjálsrar samkeppni
þekki landfræðileg einkenni vaxtarsvæða og skilgreini muninn á kjarnasvæði og jaðarsvæði
kanni áhrif aukinna fjarskipta og upplýsingatækni á verslun og samgöngur

Efnisatriði
Náttúruauðæfi, auðlindir, forði, vandamál við auðlindanýtingu, misskipting náttúruauðæfa, hagnýt jarðefni, orkugjafar, orkunotkun, framleiðsluatvinnuvegir, landbúnaður, fiskveiðar og iðnaður, upplýsingastarfsemi, umhverfisáhrif atvinnugreinanna, vinnsluaðferðir og tækniframfarir, flutningar og samkeppni í flutningum, samgöngukerfi, umfang heimsverslunar, utanríkisverslun Íslands, viðskiptabandalög, verslun og samgöngur í iðnríkjum og þróunarlöndum, þróunarsamvinna, kenningar um efnahagsþróun, miðstýring, frjáls samkeppni, vaxtarsvæði, kjarnasvæði, jaðarsvæði.