ÍÞR 121 Íþróttir og heilsurækt I

Áfangamarkmið
Íþróttir
Nemandi
fái fjölbreytta þjálfun í ýmsum íþróttagreinum
leysi af hendi verkefni innan íþrótta sem tengd eru þoli, krafti og liðleika
Líkams- og heilsurækt
Nemandi
taki þátt í fjölbreyttri líkams- og heilsurækt til eflingar þoli, krafti og liðleika
öðlist aukna líkamsstjórnun með fjölbreyttri verklegri þjálfun
Félags-, tilfinninga- og siðgæðissvið
Nemandi
taki þátt í leikjum og fjölbreyttum æfingum sem efla samvinnu, jákvæða upplifun og háttvísi
taki þátt í samstarfsverkefnum sem veita gleði og vellíðan, s.s. fjölbreyttum æfingum og leikjum af ýmsum toga
taki þátt í líkamsrækt sem stuðlar að jákvæðum samskiptum kynja
Þekkingarsvið
Nemandi
öðlist skilning á mikilvægi reglubundinnar líkamsræktar
öðlist þekkingu á aðferðum og möguleikum til líkamsræktar
afli sér þekkingar með upplýsingatækni um fjölbreyttar leiðir til líkamsræktar

Efnisatriði
Upphitun, mismunandi aðferðir við upphitun, mismunandi tæki notuð við upphitun, gildi upphitunar, líkamshiti. Liðleiki, mismunandi teygjuæfingar, gildi liðleikaþjálfunar. Kraftur, kraftæfingar fyrir ýmsa vöðva og vöðvahópa, gildi kraftæfinga, jafnvægi í styrk mismunandi vöðvahópa, stöðvaþjálfun. Þolþjálfun, loftháð- og loftfirrt þol, mjólkursýra, þjálfunaraðferðir, íþróttagreinar, leikir. Líkamsreisn, þjálfunarástand.

Námsmat