Áfangalýsing

Í áfanganum er lögð áhersla á að nemendur treysti kunnáttu sína á öllum sviðum lestrar, lesi fjölbreytta texta, s.s. bókmenntatexta, ýmsa texta sem birtast í dagblöðum, tímaritum, fræðiritum og á Netinu. Nemendur fá þjálfun í fjölbreyttri ritun og tjáningu. Nemendur læra að meta góða málnotkun og öðlast trú á eigin málhæfni í ræðu og riti.

Lesa meira

Áfangalýsing Lesa meira

Áfangalýsing
Námsefni grunnskóla rifjað upp. Mest áhersla lögð á undirstöðuatriði málfræði og stafsetningu. Auk þess er fjallað skipulega um málnotkun og bókmenntir. Málfræðikennsla tengd stafsetningu eins og unnt er. Meðal ritunarverkefna sem til greina koma eru: útdrættir, endursagnir og frjáls ritun með áherslu á ritunarferlið en ekki einungis fullfrágenginn texta. Bókmenntatextar valdir með það fyrir augum að efla minni, skilning og orðaforða. Lesa meira

Áfangalýsing
Námsefni grunnskóla rifjað upp. Mest áhersla lögð á undirstöðuatriði málfræði og stafsetningu. Auk þess er fjallað skipulega um málnotkun og bókmenntir. Málfræðikennsla tengd stafsetningu eins og unnt er. Meðal ritunarverkefna sem til greina koma eru: útdrættir, endursagnir og frjáls ritun með áherslu á ritunarferlið en ekki einungis fullfrágenginn texta. Bókmenntatextar valdir með það fyrir augum að efla minni, skilning og orðaforða. Lesa meira

Áfangalýsing

Í áfanganum er megináhersla lögð á að skoða ólíka texta frá bókmenntalegu og málfarslegu sjónarmiði. Markmiðið er að nemendur þjálfi hæfni sína til að beita fræðilegum hugtökum við umfjöllun, rökræður og samanburð ólíkra texta og læri um leið að nýta sér þekkingu sína og þjálfun við eigin textagerð. Nemendur fá tækifæri til að nota tölvu, handbækur og sem fjölbreyttust hjálpargögn.

Lesa meira

Áfangalýsing Lesa meira

Áfangalýsing

Í áfanganum er lögð áhersla á að fjalla um sögu máls og menningar frá frumnorrænum tíma til okkar daga. Nemendur kynnast nokkrum atriðum í sögu íslensks máls frá öndverðu til okkar daga, læra að lesa úr hljóðritunartáknum og kynnast helstu mállýskum á Íslandi. Nemendur kynnast norrænni goðafræði og hugmyndaheimi norrænna manna til forna auk þess sem þeir fá tækifæri til að tjá sig í ræðu og riti um efni áfangans. Nemendur kynnast helstu aðferðum við meðferð heimilda í ritun og fá tækifæri til að nota tölvu við frágang verkefna.

Lesa meira

Áfangalýsing
Megináhersla er lögð á bókmenntir og lesskilning, ritun og stafsetningu. Ferlisritun sem lýkur með fullfrágengnum verkum er stór hluti áfangans. Lesa meira

Áfangalýsing

Í áfanganum er lögð áhersla á íslenskar bókmenntir og sögu þeirra frá landnámsöld til siðaskipta. Nemendur fræðast einnig um orðaforða og beygingarkerfi fornmáls og öðlast þannig betri skilning á textunum og málfari þeirra. Auk þess tjá nemendur sig í ræðu og riti um fornbókmenntir, fá þjálfun í meðferð heimilda og skrifa ritgerð um tiltekið efni með eða án samvinnu við aðrar greinar.

Lesa meira

Áfangalýsing

Í áfanganum er lögð áhersla á tengsl máls, bókmennta og þjóðfélags frá siðaskiptum fram yfir aldamótin 1900. Vakin skal athygli á því hvernig málfar íslenskra bókmennta og bókmenntirnar sjálfar spegla þjóðfélagsaðstæður og menningarlíf, tíðaranda, strauma og stefnur á tímum siðaskipta, lærdómsaldar, upplýsingar, rómantíkur og raunsæis. Nemendur kynnast hugmyndum manna um íslenska tungu og viðleitni manna til málhreinsunar. Nemendur fá einnig tækifæri til að tjá sig í ræðu og riti um einstök verk og höfunda þeirra.

Lesa meira

Áfangalýsing

Í áfanganum kynnast nemendur íslenskri bókmenntasögu 20. aldar í samhengi við strauma og stefnur í þjóðfélags- og menningarmálum bæði hérlendis og erlendis á sama tímaskeiði. Nemendur kynnast helstu höfundum á þessum tíma, lesa verk eftir þá, glöggva sig á inntaki bókmenntaverkanna og reyna að átta sig á erindi þeirra við eigin samtíma og nútímann. Nemendur gera grein fyrir lestrarreynslu sinni munnlega og skriflega með sérstöku tilliti til mismunandi stíls ólíkra höfunda.

Lesa meira

Áfangalýsing

Í áfanganum eru rifjuð upp megineinkenni íslenska hljóðkerfisins og íslenskrar setningagerðar með það fyrir augum að nemendur geti nýtt sér þessa þekkingu við samanburð íslensku og þeirra erlendra mála sem þeir hafa lært. Í áfanganum eru einnig skoðuð einstök atriði íslenskrar málsögu.

Lesa meira

Áfangalýsing

Í áfanganum kynnast nemendur þróun íslenskra skáldsagna og smásagna, fá tækifæri til að kynnast þýddum bókmenntaverkum og þjálfast í greiningu þeirra og lestri fræðigreina um bókmenntir. Þeir gera grein fyrir lestrarreynslu sinni munnlega og skriflega.

Lesa meira

Áfangalýsing

Í áfanganum fá nemendur greinargott yfirlit yfir íslenskar mállýskur og málfarsmun og nasasjón af félagsfræðilegum málvísindum með sérstöku tilliti til íslensku. Þeir fá þjálfun í lestri fræðilegra greina um efnið og gera grein fyrir lestrarreynslu sinni munnlega og skriflega.

Lesa meira

Áfangalýsing

Í áfanganum kynnast nemendur sögu og þróun íslenskra barna- og unglingabókmennta og fræðast um mál og menningarheim barna: máltöku barna, málþroska og ritun barna. Þeir fá þjálfun í lestri fræðigreina um efnið og gera grein fyrir lestrarreynslu sinni munnlega og skriflega.

Lesa meira