ÍSL 203 Bókmenntir og mál- og menningarsaga

Undanfari: ÍSL 103 Læsi, ritun, tjáning og málfræði

Áfangalýsing:

Í áfanganum er lögð áhersla á að fjalla um sögu máls og menningar frá frumnorrænum tíma til okkar daga. Nemendur kynnast nokkrum atriðum í sögu íslensks máls frá öndverðu til okkar daga og kynnast helstu mállýskum á Íslandi. Nemendur kynnast norrænni goðafræði og hugmyndaheimi norrænna manna til forna auk þess sem þeir fá tækifæri til að tjá sig í ræðu og riti um efni áfangans. Nemendur kynnast helstu aðferðum við meðferð heimilda í ritun.

Námsmarkmið:

Nemandi

-       kannist við söguleg tengsl tungumáls og menningar

-       fái innsýn í meginatriði íslenskrar málstefnu

-       skoði nokkur dæmi um rúnaristur

-       þekki dæmi um áhrif norrænnar tungu á önnur málsvæði

-       þekki helstu atriði í heimssögu norrænnar goðafræði

-       viti deili á helstu goðum í norrænni goðafræði og hlutverki þeirra, vættum og öðrum átrúnaði

-       þekki helstu mállýskur á Íslandi

-       kynnist dæmum um uppruna og skyldleika orða

-       velti fyrir sér orðasmíð og merkingu

-       þekki íslenska nafnsiði

-       greini mismunandi málsnið og orðræðu við ólíkar aðstæður

-       ræði um og myndi sér skoðun á íslenskri málstefnu

-       fái tækifæri til að gagnrýna framsögn annarra og taka við gagnrýni á eigin framsögn

-       fái tækifæri til að skoða myndbönd, myndlist eða margmiðlunarefni tengt norrænum goðsögnum

-       skrifi ritgerð eða ritdóm um kjörbók

-       kynnist helstu aðferðum við meðferð heimilda í ritun

-       læri að byggja upp heimildaritgerð