ÍSL 193 Undirbúningsáfangi fyrir frekara nám

Áfangalýsing

Undanfari: enginn

Áfanginn er ætlaður nemendum á almennri braut sem hafa ekki staðist þær kröfur sem settar eru um nám í framhaldskóla.  

Markmið áfangans eru að nemandi:

·         öðlist þekkingu og leikni til að stunda áframhaldandi nám í framhaldsskóla

·         þjálfist í lestri, auki leshraða sinn og bæti almennan lesskilning

·         auki færni sína í skipulegri tjáningu, munnlegri og skriflegri

·         læri undirstöðuatriði málfræði og geti stafsett sem réttast

·         kynnist handbókum og hjálparforritum og æfist í notkun þeirra

Námsfyrirkomulag:

·         lesnir verða fjölbreyttir textar og unnin verkefni í tengslum við þá

·         nemendur hlusta á efni , horfa á myndir  og  tjá sig um það í ræðu og riti

·         í áfanganum eru bæði unnin einstaklings- og hópverkefni

Námsmat

·         Í áfanganum er fyrst og fremst leitast við að nota leiðsagnarmat í þeim tilgangi að nemandi fái upplýsingar um eigin styrkleika ásamt leiðbeiningum um hvernig hann getur bætt frammistöðu sína.

·         námsmat í áfanganum getur verið margvíslegt t.d. kennaramat, jafningjamat eða sjálfsmat. Matið getur byggst á könnunum, munnlegum  verkefnum, skriflegum verkefnum einstaklings eða hópa.