GRT 103 Grunnteikning

Áfangamarkmið

Nemandi

• þekki og þjálfist í upplýsingamiðlun með tæknilegum teikningum
• þjálfist í að hugsa af nákvæmni um og vinna myndrænt með viðfangsefni starfsgreina, svo sem á sviði hönnunar og iðngreina
• fái almennan undirbúning fyrir fagbundið teikninám og annað fagnám, svo sem á sviði hönnunar og iðngreina
• þjálfist í notkun teikni- og mæliáhalda
• hafi almenna undirstöðuþekkingu og færni í lestri, gerð einfaldra tæknilegra vinnuteikninga og gerð einfaldra þrívíðra teikninga
• hafi þekkingu og færni í að teikna fríhendis
• hafi þekkingu og færni í að skipuleggja, árita og ganga frá einföldum tæknilegum teikningum og miðla upplýsingum á skilvirkan hátt
• fái undirbúning undir frekara nám í teiknifræðum

1. Efnisþáttur: Fallmyndun I, u.þ.b. 9/14  að umfangi áfangans

Nemandi

• geti lesið og skilið hornrétta fallmyndum ásamt sneiðmyndum af einföldum hlutum
• kunni gerð vinnuteikninga með teikniáhöldum af einföldum hlutum með hornréttum fallmyndum og sneiðmyndum ásamt málsetningum í tilteknum mælikvarða, skv. reglum, stöðlum og venjum
• hafi gott vald á skipulagningu vinnublaðs, áritun með teikniskrift og frágangi einfaldra vinnuteikninga skv. reglum, stöðlum og venjum

2. Efnisþáttur: Ásmyndun og fríhendisteikning I, u.þ.b. 5/14 að umfangi áfangans

Nemandi

• geti  teiknað ásmyndir (framskámyndir með 0°-90°-45° áshalla,  ofan-skámyndir með 60°-90°-30° áshalla og/eða samkvarðamyndir með 30°-90°-30° áshalla) með teikniáhöldum  af einföldum hlutum, skv. reglum, stöðlum og venjum, þannig að vinna megi eftir þeim
• geti teiknað ásmyndir (framskámyndir, ofan-skámyndir og/eða samkvarðamyndir) fríhendis  á auð vinnublöð  af einföldum hlutum, skv. reglum stöðlum og venjum, þannig að vinna megi eftir þeim
• hafi gott vald á skipulagningu vinnublaðs, málsetningu, áritun með teikniskrift og frágangi ásmynda, skv. reglum, stöðlum og venjum, þannig að vinna megi eftir þeim

Efnisatriði/kjarnahugtök
Teiknifræði, myndræn vinna, mæli- og teikniáhöld, teiknilestur, tæknilegar vinnu-teikningar, þrívíðar rissteikningar, hornrétt fallmyndun, sneiðmynd, málsetning, mæli-kvarði, skipulagning vinnublaðs, áritun teikninga, frágangur vinnuteikninga, ásmyndir.

Námsmat
Mælt er með því að lokamat samanstandi af verkefnavinnu og skyndiprófum u.þ.b. 40% og lokaprófi 60%. Miðað er við að lokanámsmat byggi að stofni til á sjálfstæðri og óháðri vinnu nemenda. Jafna mætti vægið milli frammistöðu á önn og lokaprófs í þeim tilvikum þar sem gerðar eru meiri kröfur til sjálfstæðis í námsvinnu nemenda en gert er að jafnaði.