Áfangalýsing

Áfram er unnið að aukinni færni nemandans í hlustun, tali, lestri og ritun. Jafnhliða nýju efni er námsefni fyrri áfanga rifjað upp. Viðfangsefnin eru m.a. tengd daglegu lífi, atvinnu, ferðalögum, fríi og liðnum atburðum. Veruleg áhersla er á aukinn orðaforða, málfræði og málskilning. Nemendur eru þjálfaðir í tali og ritun í tengslum við námsefnið.

Nemendur fá fræðslu um franskt þjóðlíf, siði og venjur samhliða námsefninu.

Áfangalýsing

Áframhaldandi þjálfun í hlustun, tali, lestri og ritun. Upprifjun á efni fyrri áfanga samhliða nýju efni. Umfjöllunarefni sem tengjast tómstundum, áhugamálum, ferðalögum, endurminningum og framtíðaráformum.

Nemendur nota málið til að afla sér fróðleiks um ýmis efni, t.d. með lestri nemendablaða. Lesnar eru léttlestrarbækur. Nemendur eru þjálfaðir í lestri og ritun lengri, samfelldra texta og í að segja frá liðinni og ókominni tíð í ræðu og riti. Sem fyrr eru nemendur fræddir um frönskumælandi þjóðir og menningu. Sérstök umfjöllun um frönsk málsvæði utan Evrópu.

Áfangalýsing

Áhersla á fagmál, t.d. í viðskipta- og raungreinum, samfélagsgreinum og ferðaþjónustu. Getur hentað nemendum á ýmsum brautum sem komnir eru mislangt í námi. Fer þá efnisval áfangans eftir nemendahópnum.

Áfangalýsing

Frægt fólk, fjölmiðlar, listir, bókmenntir, mismunandi heimkynni og landkynningar eru meðal viðfangsefna. Að mestu leyti er lokið við að fara yfir undirstöðuatriði franskrar málfræði. Veruleg aukning orðaforða og málskilnings auk hæfni til ritunar og tjáningar. Lesið er efni af ýmsum toga, svo sem stuttir bókmenntatextar, blaða- og tímaritsgreinar, auglýsingar og landkynningarefni. Nokkru hraðar er farið yfir námsefnið en áður. Hraðlestrar- og hlustunarefni aukið verulega og nemendur fjalla um það bæði munnlega og skriflega og gera auk þess frjáls verkefni.

Fræðsla um staðhætti og menningu sem tengist námsefninu, m.a. í formi kynninga og stuttra fyrirlestra.

Áfangalýsing

Áhersla lögð á lestur bókmennta og fræðslu um franska menningu. Ritað, rökrætt og skipst á skoðunum um námsefnið. Upprifjun á málfræði fyrri áfanga, kenndar nýjar tíðir sagna. Þemaverkefni um bókmenntir og menningu. Nemendur hvattir til aukins sjálfstæðis í vinnubrögðum.

Áfangalýsing

Þjálfun í talmáli. Reynt er að líkja sem mest eftir raunverulegum aðstæðum við þjálfun talmáls. Aðaláhersla er lögð á að hlusta og halda uppi samræðum þar sem persónuleiki, tjáningarþörf og skoðanir fá að njóta sín. Unnið er með hvetjandi efni sem byggir á stigvaxandi færni. Ætlast er til mikils frumkvæðis af hálfu nemenda hvort sem er við tæknilegar útfærslur verkefna eða hugmyndasmíð. Verkefni í lestri, hlustun og ritun eru eingöngu notuð þar sem þau geta ýtt undir talfærni.

Áfangalýsing

Áhersla lögð á fræðsluefni. Nemendur fást við fjölbreyttara og þyngra efni en áður (les-, hlustunar- og myndefni). Viðfangsefnin eru nytjatextar, svo sem blaða- og tímaritsgreinar, fræðslu- og landkynningarefni. Auk sameiginlegs námsefnis vinna nemendur verkefni til kynningar á landi eða landsvæðum. Skipst er á skoðunum um námsefnið. Þjálfun í hlustun, tali, lestri og ritun sem tengist ofangreindum viðfangsefnum. Mikið lagt upp úr sjálfstæði og skipulegum vinnubrögðum hjá nemendum.

Áfangalýsing

Unnið að ákveðnu þema undir handleiðslu kennara. Viðfangsefni yrði valið í samráði við kennara og eftir áhugasviði nemenda hverju sinni. Það getur verið á sviði ýmissa sérgreina, s.s. bókmennta, lista, kvikmynda, vísinda og sagnfræði. Einnig kemur til greina samþætting í frönsku og upplýsingatækni. Verkefnið getur verið einstaklingsverkefni eða unnið af tveim nemendum eða fleiri. Viðfangsefnið er skoðað frá ýmsum hliðum og krufið til mergjar. Verkefnisskil geta verið með ýmsu móti eftir samkomulagi nemenda og kennara, skrifleg og/eða munnleg, t.d. ritgerð, verkefnamappa, blaðaútgáfu, vefsíða, fyrirlestur, greinargerð, myndband eða umræðuþáttur.