FRA 703 Fræðsluefni

Undanfari: FRA 403

Áfangamarkmið
Nemandi
haldi við færni sinni í frönskum framburði
auki enn við orðaforða sinn og geti notað hann í nýju samhengi
nýti málfræðikunnáttu sína þegar hann tjáir sig á frönsku
geti skilið aðalatriði í almennum samræðum og umfjöllun um fræðsluefni svo og í fyrirlestrum
þjálfist í að tileinka sér ýmiss konar fræðsluefni með lestri, hlustun, í fræðslumyndum og í gegnum margmiðlun
geti tekið þátt í almennum viðræðum og skrifað ýmiss konar fræðsluefni svo vel skiljist
vinni sjálfstætt verkefni um ákveðið efni, m.a. landkynningarverkefni
æfist í að miðla fróðleik meðal samnemenda

Efnisatriði
Framburði haldið við með upplestri og tali. Lesnir nytjatextar, horft á fræðslu- og kvikmyndir og fengist við þætti sem tengjast landkynningu. Skoðanaskipti um viðfangsefnin, auk skriflegrar og munnlegrar umfjöllunar um þau í einstaklings- eða hópvinnu. Kjörverkefni um landsvæði flutt í heyranda hljóði. Hlustað á franskt tal eftir föngum, t.d. af hljóðsnældum, í fræðsluþáttum, fréttum, kvikmyndum og fyrirlestrum.

Námsmat
Lokamat byggist á símati og/eða prófum í öllum færniþáttum. Eðlilegt er að verkefni unnin á önninni hafi meira vægi en í kjarnaáföngum þar sem þau eru að jafnaði viðameiri eftir því sem líður á námsferilinn.