ENS 202 Lestur, hlustun, málfræði II

Undanfari: ENS102

Áfangamarkmið
Lestur
Nemandi
geti lesið margvíslega texta, t.d. bókmenntatexta, texta í dagblöðum og tímaritum eða á Netinu auk fræðilegra texta um skilgreind viðfangsefni
sé fær um að notfæra sér mismunandi hjálpargögn við lestur eftir því hver tilgangurinn er með lestrinum

Hlustun
Nemandi
geti skilið einfalt, ótextað sjónvarpsefni/myndefni/margmiðlunarefni og úrvarpsefni (t.d. fréttir) þar sem talað er skýrt og án sterks hreims og tónlistartexta, t.d. almennan dægurlagatexta
geti skilið almennt talað mál í samræðum

Tal
Nemandi
geti tjáð sig um algengustu aðstæður í daglegu lífi, t.d. á ferðalögum erlendis, í síma, í samskiptum við útlendinga heima fyrir, innan skólastofunnar og í óformlegum samræðum
geti talað skiljanlega ensku með jöfnum og eðlilegum hraða
geti notað þann orðaforða sem unnið hefur verið með í efnisflokkum áfangans til að tjá eigin hugsun, skoðanir, o.s.frv.

Ritun
Nemandi
kunni að nýta sér hjálpargögn við ritun, svo sem orðabækur og málnotkunarbækur, leiðréttingarforrit, tölvu- og upplýsingatækni eins og kostur er
geti skrifað misflóknar setningar og sett saman aðal- og aukasetningar
geti skrifað skipulegan texta og skipt í efnisgreinar
geti notað tengiorð og samtengingar
geti hagað málnotkun með tilliti til markhóps/viðtakanda, þekki t.d. muninn á formlegu og óformlegu ritmáli
geti hagnýtt sér nýjan orðaforða á skapandi hátt

Málfræði
Í samræmi við markmið áfangans eru m.a. eftirtalin málfræðiatriði þjálfuð.

Nemandi
kunni tíðir sagna
þekki vel eignarfall nafnorða
kunni að mynda sambandssagnir
þekki allar helstu forsetningar
kunni endaspurningar
kunni skilyrðissetningar
þekki forskeyti og viðskeyti og myndun nýrra orða af ólíkum orðflokkum

 Námsmat
Við námsmat skal ávallt taka mið af þeirri vinnu sem nemendum er ætlað að inna af hendi samkvæmt námsáætlun og eru kröfur gerðar í samræmi við það. Meta skal alla færniþætti í réttu hlutfalli við vægi þeirra í áfanganum. Nemendum skal alltaf gert ljóst hvað verið er að meta, hvernig, hvenær og hvers vegna. Námsmat getur verið í formi símats eða lokamats.

 Dæmi um mat á færniþáttum

Lestur
Formleg og óformleg prófun eða könnun á lesskilningi, svo sem krossapróf, eyðufyllingar og spurningar út texta. Ólesnir textar skulu valdir með tilliti til þess orðaforða og þeirra efnisþátta sem fjallað hefur verið um í áfanganum.

Hlustun
Mikilvægt er að gera hlustunarpróf þannig úr garði að þau mæli sem best hlustunarskilning en ekki stafsetningu eða málfræði. Dæmi um prófverkefni: hlusta í ákveðnum tilgangi og eftir tilteknum efnisatriðum, svara skilningsspurningum, fylla í eyður (orð eða orðasambönd), gerð grein fyrir því sem hlustað hefur verið á í stuttu máli, ýmist skriflega eða munnlega.

Tal
Dæmi um prófverkefni: samtal tveggja (ef til vill upptaka) um tiltekið efni við vissar aðstæður (4-6 mínútur) sem undirbúnar hafa verið í kennslunni. Matsatriði eru m.a. lengd samtals, innihald, flæði, orðaforði, framburður, upphaf og endir.

Ritun
Orðanotkun og setningaskipan er metin, stafsetning og málfræði. Metin skapandi notkun málsins, viðeigandi málnotkun eftir innihaldi og aðstæðum. Áendingar um villur eru gefnar og nemendur fá tækifæri til að leiðrétta eftir leiðréttingarlykli. Mikilvægt er að nemendur vinni reglulega stuttar skriflegar æfingar frekar en lengri og færri.

Málfræði/orðaforði/málnotkun
Hægt að prófa með ýmsum hætti. Stefnt skal að því að hafa prófverkefni eins fjölbreytileg og hægt er, t.d. eyðufyllingar með vali, beinar eyðufyllingar, að setja sagnir inn í texta í réttri mynd, frásagnir í mismunandi tíðum, umorðun/endurritun setninga án þess að merking raskist, o.s.frv. Æskilegt er að prófin reyni sem mest á skapandi málnotkun nemandans.