ENS 103 Málfræði og orðaforði

Áfangamarkmið
Nemandi
Lestur
geti notað orðabækur sér til gagns og ekki einvörðungu til að komast að merkingu orða heldur einnig notkun þeirra, orðflokki og framburði
ráði við mismunandi lestrarlag eftir aðstæðum
geti lesið margvíslega texta, t.d. óstytta bókmenntatexta ætlaða enskumælandi fólki, aðgengilega fræðitexta af ýmsum sviðum, t.d. í upplýsingaritum, og almennt efni í blöðum, tímaritum og á Netinu

Hlustun
geti hlustað á marvíslegt efni sem ekki er endilega ætlað til enskukennslu (raunefni), dregið út upplýsingar og tileinkað sér ný orð 

Tal
geti tekið þátt í almennum samræðum á ensku, t.d. innan kennslustofunnar við skólafélaga og kennara sem og við enskumælandi fólk eftir því sem tækifæri gefst til 

Ritun
kunni að nýta sér hjálpargögn við ritun, svo sem orðabækur og málnotkunarbækur
geti skrifað misflóknar setningar og sett saman aðal- og aukasetningar
geti skrifað skipulegan texta og skipt í efnisgreinar
geti notað tengiorð og samtengingar 
geti skrifað skipulegan texta og skipt í efnisgreinar 
geti hagnýtt sér nýjan orðaforða á skapandi hátt 
geti hagað málnotkun með tilliti til markhóps/viðtakanda (þekki t.d. muninn á formlegu og óformlegu ritmáli) 

Málfræði
Dæmi um grundvallaratriði enskrar málfræði til upprifjunar og áherslu í ENS 103
ákveðinn og óákveðinn greinir
eignarfall nafnorða
óreglulegar sagnir 
skilyrðissetningar 
sambandssagnir 
forskeyti og viðskeyti og myndun nýrra orða af ólíkum orðflokkum 
stigbreyting lýsingarorða 

Námsmat
Við námsmat skal ávallt taka mið af þeirri vinnu sem nemendum er ætlað að inna af hendi samkvæmt námsáætlun og skulu kröfur gerðar í samræmi við það. Meta skal alla færniþætti í réttu hlutfalli við vægi þeirra í áfanganum. Nemendum sé alltaf gert ljóst hvað verið er að meta, hvernig, hvenær og hvers vegna. Námsmat getur verið í formi símats eða lokamats.

Málfræði/orðaforði/málnotkun
Hægt að prófa með ýmsum hætti. Stefnt skal að því að hafa prófverkefni eins fjölbreytileg og hægt er, t.d. eyðufyllingar með vali (multiple choice cloze), beinar eyðufyllingar (open cloze), myndun nýrra orða með forskeytum/viðskeytum, leiðréttingar málfars/stafsetningar, umorðun/endurritun setninga án þess að merking raskist o.s.frv. Æskilegt er að prófin reyni sem mest á skapandi málnotkun nemandans.

Lestur
Formleg prófun eða könnun á lesskilningi. Ólesnir textar valdir með tilliti til þess orðaforða og þeirra efnisþátta sem fjallað hefur verið um í áfanganum. Dæmi um prófverkefni: krossapróf, eyðufyllingar, svör við spurningum úr texta, endurröðun efnisgreina sem hefur verið ruglað, að bæta inn setningum/orðum sem hafa verið fjarlægð úr texta o.s.frv.

Hlustun
Mikilvægt er að gera hlustunarpróf þannig úr garði að þau mæli sem best hlustunarskilning en ekki stafsetningu eða málfræði. Dæmi um prófverkefni: hlusta eftir tilteknum efnisatriðum (t.d. gera lista), hlusta í ákveðnum tilgangi, fylla inn upplýsingar eftir upplestri (orð eða orðasambönd), svara skilningsspurningum, merkja inn á kort.

Tal
Metið er skipulag/framsetning, orðaforði, framburður, flæði (fluency), tjáskiptahæfni. Dæmi um prófverkefni: samtal tveggja nemenda, t.d. samvinna við lausn þrauta (problem solving), spjall um bækur eða kvikmyndir, spurningar og svör; frásögn einstaklings um áhugamál, lýsing á mynd/myndasögu.

Ritun
Símat er mikilvægt í þessum þætti. Nemendur vinna stutt ritunarverkefni af ýmsu tagi í tengslum við þann orðaforða og þá efnisþætti sem um er fjallað hverju sinni, t.d. póstkort, tölvupóst, formleg/óformleg bréf, stuttar frásagnir, lýsingar, endursagnir o.s.frv. Mikilvægt er að endurgjöf og ábendingar berist nemandanum skjótt og séu uppbyggilegar. Áherslu skal leggja á skapandi notkun þess orðaforða sem ætlast er til að nemendur hafi tileinkað sér.