DAN 203 Skilningur, tjáning, menning II

Undanfari: DAN 103

Áfangamarkmið
Nemandi

Lestur
geti beitt mismunandi lestraraðferðum, þ.e. leitarlestri, yfirlitslestri, hraðlestri og nákvæmnislestri
geti skilið inntak texta sem fjalla um nokkuð sérhæft efni, t.d. fréttir og fréttatengt efni í dagblöðum, blaða- og tímaritsgreinar og texta úr alfræðibókum
geti lesið einfalda vísindatexta sem ætlaðir eru almenningi
geti notfært sér mismunandi hjálpargögn við lestur eftir því hver tilgangurinn er með lestrinum
geti lesið lengri bókmenntatexta
hafi lesið minnst tvær skáldsögur
geti lesið stutta norska og sænska texta byggða á orðaforða sem hann hefur í dönsku
Hlustun
skilji ríkisdönsku þegar talað er við hann skýrt og á eðlilegum hraða um þekkt efni, t.d. ýmis dægurmál eða reynslu í daglegu lífi
skilji megininntak talaðs máls sem tengist myndefni, t.d. í fréttum, kvikmyndum, samtalsþáttum og öðrum þáttum um þekkt efni
geti hlustað eftir tilteknum upplýsingum í þekktum textagerðum, t.d. fréttum, veðurlýsingum og leiðbeiningum
geti fylgst með og skilið megininntak orðræðu þegar fjallað er um nokkuð sérhæft efni sem hann þekkir vel og/eða hefur áhuga á, t.d. í fyrirlestrum, kvikmyndum, útvarpsþáttum eða sjónvarpi
geti hlustað eftir og skilið smáatriði í efni sem tengist efnisflokkunum
Tal
geti tjáð hugsun sína á dönsku skýrt og skilmerkilega við mismunandi aðstæður og með ólíkan tilgang í huga
geti aflað sér upplýsinga símleiðis
geti útskýrt og rökstutt mál sitt um efni sem fjallað hefur verið um
geti tekið þátt í óformlegum samræðum og beitt algengum orðum og orðasamböndum sem einkenna óformlegt talmál
hafi vald á hvatningar- og efasemdaorðum
geti notað grunnorðaforða, sem unnið hefur verið með í efnisflokkunum, á eigin forsendum í nýju samhengi
geti sagt það sem hann vill á þann hátt sem þjónar aðstæðum hverju sinni
geti talað á eðlilegum hraða innan eðlilegra tímamarka
Ritun
geti skrifað 40-50 línur viðstöðulaust um efni sem búið er að vinna með
kunni skil á reglum um uppbyggingu texta
kunni að beita stílbrögðum, m.a. með því að nota blæbrigði í orðavali
geti brugðist við óvæntum aðstæðum og ólíkum viðmælendum á viðeigandi hátt
Málfræði
geti beitt þolmynd sagna
kunni að nota óákveðin fornöfn og ábendingarfornöfn
kunni að nota algeng atviksorð
kunni skil á forsetningum í algengum orðasamböndum
kunni helstu samtengingar
kunni skil á réttri orðaröð
kunni að nota ákveðinn greini
kunni að nota det/der

Efnisatriði
Möguleikar í atvinnulífi, atvinnuumsókn, Nordjobb, íþróttir, líkamsrækt, líkaminn, bílpróf, ökuskírteini, umferðarreglur, bílakaup og -sala, kostnaður við bíla/vélhjól, lögregla, tegundir afbrota, neyðarhjálp, rannsóknir sakamála, skólakerfi, lýðháskólar, möguleikar til menntunar; samanburður á Íslandi og Danmörku: landafræði, lýðfræði, siðir og venjur; mannleg samskipti, "hyggesnak", listin að lifa, að ferðast um Evrópu, markverðir staðir, Interrail, hvíldarár (sabbatår), skiptinemar, au pair.

Námsmat
Námsmat tekur mið af þeirri vinnu sem nemendum er ætlað að inna af hendi samkvæmt námsáætlun og kröfur gerðar í samræmi við það. Meta skal alla færniþætti í hlutfalli við vægi þeirra í kennslunni/náminu. Nemendur eru gerðir ábyrgir fyrir mati að hluta til og þeim gerð grein fyrir hvað er verið að meta, hvernig, hvenær og hvers vegna. Námsmat getur verið í formi símats eða lokamats.

Dæmi um mat á færniþáttum
Lestur (miðað við mismunandi lestraraðferðir)
Formleg prófun eða könnun á lesskilningi, s.s. krossapróf, eyðufyllingar, spurningar úr texta.
Óformleg könnun á lesskilningi, s.s. þegar nemendur gera útdrátt úr texta og semja spurningar.

Hlustun
Nemendur teikna, merkja við, skrifa eftir fyrirmælum eða upplestri, gera útdrátt, taka niður pantanir og taka skilaboð.
Lokamat er samsett úr nokkrum hlustunarprófum eða æfingum yfir önnina.

Tal
Getur miðast við að ná tilteknum hámarksárangri við lok áfanga, s.s. hópverkefni, t.d. dagskrá (upptaka eða fréttaflutningur), þar sem hver nemandi leggur til u.þ.b. 5 mínútur af efni eftir markvissan undirbúning. Þá er metin m.a. lengd máls, innihald, flæði, orðaforði, framburður, upphaf og endir.

Í kennslustundum má meta nýjan orðaforða sem nemanda hefur tekist að virkja, bæði í samtali og frásögn.

Ritun
Mat á ritun getur beinst að einstökum þáttum ritunar.

Samspil kennara og nemanda - endurgjöf: talin ný orð í texta nemanda (tileinkun orðaforða), talin fjöldi lína eftir hraðritun í t.d. 10 mínútur, metið innihald og form ritgerða, gefnar ábendingar um villur og nemendur fá tækifæri til að leiðrétta eftir leiðréttingarlykli.

Lokamat: samspil innihalds og málnotkunar eftir eðli verkefnis.