DAN 103 Skilningur, tjáning, menning I

Áfangamarkmið

Nemandi
Lestur
geti hratt og örugglega áttað sig á megininntaki texta þótt hann skilji ekki hvert orð
geti leitað eftir tilteknum upplýsingum, hvort heldur er í uppsláttarritum eða í rafrænum texta
geti lesið og skilið inntak lengri texta, svo sem bókmenntatexta eða annarra texta sem í löngu máli fjalla um efni almenns eðlis
geti lesið sér til gagns mismunandi gerðir texta sem tengjast efnisflokkum áfangans
geti notað leitarvef til að afla upplýsinga á dönsku um afmörkuð efni
geti lesið og skilið stutta texta sem tengjast efnisflokkunum og krefjast nákvæmnisskilnings
Hlustun
skilji og geti nýtt sér hagnýtar upplýsingar sem heyrast við ákveðnar aðstæður, t.d. á járnbrautarstöð, á flugvelli, í banka, á matsölustað og öðrum stöðum sem tengjast daglegu lífi
geti greint fyrirhafnarlítið flest lykilorð úr efnisflokkunum
skilji atburðarás í frásögnum sem tengjast orðaforða efnisflokkanna
skilji einfaldar upplýsingar og leiðbeiningar sem hann heyrir á símsvara
skilji smáatriði í almennum lengri frásögnum (5-7 mín.) og samtölum
skilji samtal tveggja til þriggja
hafi lesið 2 hraðlestrarbækur af venjulegri lengd
hafi tilfinningu fyrir framburði allra hljóða, áherslum og hrynjandi málsins
Tal
geti látið aðra fá orðið
geti gefið til kynna virka hlustun með viðeigandi smáorðum eða upphrópunum
geti tjáð sig um tilfinningar, þarfir, óskir og athafnir daglegs lífs af kurteisi og með viðeigandi orðalagi
geti tjáð sig með orðræðu þar sem eru bæði aðal- og aukasetningar
geti unnið sjálfstætt eða í samvinnu við einn eða fleiri að gerð texta, t.d. samtalsþátta, frásagna, ferðalýsinga, kynninga og fréttaþátta
geti skipst á upplýsingum við aðra á dönsku
Ritun
geti notað grunnorðaforða, sem unnið hefur verið með í efnisflokkunum, á eigin forsendum í nýju samhengi
kunni að nýta sér hjálpargögn við ritun, s.s. orðabækur og málnotkunarbækur
geti virkjað orðaforða sinn á meðvitaðan hátt með því að skrifa um efni sem unnið er með, t.d. í tengslum við ákveðin þemu
geti tekið þátt í óformlegum og hálfformlegum skriflegum samskiptum við Dani, t.d. tölvu- eða bréfasamskiptum, og fylgt reglum ritmáls eftir því sem við á
geti skrifað viðstöðulaust u.þ.b. 30 línur á 10 mínútum um efni sem búið er að vinna með (sjá kafla um tölvunotkun)
Málfræði
geti í flokki nafnorða beitt

hljóðvarpi

brottfalli

einföldun

tvöföldun

eignarfalli

geti talað dönsku lipurlega og með nægilega góðum framburði, hrynjandi og áherslum til að vel skiljist
geti beitt óreglulegum endingum lýsingarorða
geti í flokki sagnorða beitt

hjálparsögnum

öllum kennimyndum allra algengustu sagna

Námsmat

Námsmat tekur mið af þeirri vinnu sem nemendum er ætlað að inna af hendi samkvæmt námsáætlun og kröfur gerðar í samræmi við það. Meta skal alla færniþætti í hlutfalli við vægi þeirra í kennslunni/náminu. Nemendur eru gerðir ábyrgir fyrir mati að hluta til og þeim gerð grein fyrir hvað er verið að meta, hvernig, hvenær og hvers vegna. Námsmat getur verið í formi símats eða lokamats.

Tal

Miða má við að ná tilteknum hámarksárangri við lok áfanga, t.d. 7-8 mínútna samtal (ef til vill upptaka) tveggja um tiltekið efni eftir markvissan undirbúning. Þá er metin m.a. lengd samtals, innihald, flæði, orðaforði, framburður, upphaf og endir. Í kennslustundum má meta nýjan orðaforða sem nemanda hefur tekist að virkja bæði í samtali og frásögn.

Ritun

Mat á ritun getur beinst að einstökum þáttum ritunar.

Samspil kennara og nemanda - endurgjöf: talin ný orð í texta nemanda (tileinkun orðaforða), talinn fjöldi lína eftir hraðritun í t.d. 10 mínútur, metið innihald og form ritgerða, gefnar ábendingar um villur og nemendur fá tækifæri til að leiðrétta eftir leiðréttingarlykli.

Lokamat: samspil innihalds og málnotkunar eftir eðli verkefnis.

Efnisatriði

Störf fyrir unglinga með skólanum og í sumarfríinu, vinnuumhverfi, laun, fatnaður, vasapeningar, neysla unglinga, neysla fullorðinna, fjölskyldan, heimilið, vinir, skóli, samskipti á vinnustað, ferðalög í Danmörku og víðar á Norðurlöndum, "ferieaktiviteter", skipulagning sumarleyfis, gisting, fæði, útbúnaður, samgöngur (hvað er líkt/ólíkt á Íslandi annars vegar og Danmörku/annars staðar á Norðurlöndum hins vegar), að vísa til vegar, peningar, bankar, áhugamál, t.d. kvikmyndir, tónlist, tíska, tölvur, dulspeki, geimvísindi og tækni.

Hlustun

Nemendur teikna, merkja við og skrifa eftir fyrirmælum eða upplestri. Nemendur gera útdrátt, taka niður pantanir og taka skilaboð. Lokamat er samsett úr nokkrum hlustunarprófum eða æfingum yfir önnina.

Dæmi um mat á færniþáttum
Lestur (miðað við mismunandi lestraraðferðir)

Formleg prófun eða könnun á lesskilningi, s.s. krossapróf, eyðufyllingar, spurningar úr texta. Óformleg könnun á lesskilningi, s.s. þegar nemendur gera útdrátt úr texta eða semja spurningar.