DAN 193 Undirbúningsáfangi fyrir frekara nám

Áfangalýsing

Undanfari: enginn

Áfanginn er ætlaður nemendum á almennri braut sem hafa ekki staðist þær kröfur sem settar eru um nám í framhaldskóla.

Eitt af markmiðum áfangans er að nemendur nái sömu kunnáttu og krafist er til grunnskólaprófs. Áfanganum er einnig ætlað að kynna nemendum danska tungu sem lifandi mál sem getur komið þeim að gagni vilji þeir fræðast eða ferðast um Norðurlöndin. Einnig verður lögð áhersla á að málið sé kynnt sem tæki til þess að afla sér upplýsinga um efni sem nemendur hafa áhuga á.

Námsmat

Í áfanganum er fyrst og fremst leitast við að nota leiðsagnarmat í þeim tilgangi að nemandi fái upplýsingar um eigin styrkleika ásamt leiðbeiningum um hvernig hann getur bætt frammistöðu sína.

námsmat í áfanganum getur verið margvíslegt t.d. kennaramat, jafningjamat eða sjálfsmat. Matið getur byggst á könnunum, munnlegum verkefnum, skriflegum verkefnum einstaklings eða hópa.