DAN 102 - Skilningur, tjáning, menning I

Áfangamarkmið
Lestur
Nemandi

• geti nokkuð örugglega áttað sig á megininntaki texta án þess að skilja hvert orð
• geti leitað eftir tilteknum upplýsingum, hvort heldur er í uppsláttarritum eða í rafrænum texta
• geti notað leitarvef til að afla upplýsinga á dönsku um afmörkuð efni
• geti lesið og skilið stutta texta sem tengjast efnisflokkunum og krefjast nákvæmnisskilnings
• hafi lesið minnst eina hraðlestrarbók

Hlustun

• geti greint einhver lykilorð úr skilgreindum efnisflokkum
• skilji og geta nýtt sér að einhverju marki hagnýtar upplýsingar sem heyrast við ákveðnar aðstæður í daglegu lífi
• skilji einfaldar upplýsingar og leiðbeiningar
• skilji samtal þegar tveir tala saman
• skilji smáatriði í samtölum og almennum frásögnum (allt að 5 mín.)
• skilji atburðarás í frásögnum sem tengjast orðaforða í skilgreindum  
• efnisflokkum

Tal

• geti gefið til kynna virka hlustun með viðeigandi smáorðum eða upphrópunum
• geti tjáð sig um tilfinningar, þarfir, óskir og athafnir daglegs lífs af  kurteisi og með viðeigandi orðalagi
• geti skipst á upplýsingum við aðra á dönsku
• geti unnið sjálfstætt eða í samvinnu við einn eða fleiri að gerð texta, t.d. samtalsþætti, frásagnir, ferðalýsingar, kynningar og fréttaþætti
• geti notað grunnorðaforða sem fengist hefur verið við á eigin forsendum í nýju samhengi

Ritun

• kunni að nýta sér hjálpagögn við ritun, s.s. orðabækur og málnotkunarbækur
• geti tekið þátt í óformlegum og hálfformlegum skriflegum samskiptum við Dani, t.d. tölvu- eða bréfasamskiptum og fylgt reglum ritmáls eftir því sem við á
• geti unnið með nýfenginn orðaforða á sjálfstæðan hátt
• geti skrifað viðstöðulaust u.þ.b. 20 línur á 10 mín. um efni sem búið er að fást við (sjá kafla um upplýsingatækni)

Málfræði

• geti í flokki nafnorða beitt
• hljóðvarpi
• brottfalli
• einföldun
• tvöföldun
• eignarfalli
• geti í flokki töluorða notað allar frumtölur og raðtölur 1-31 (dagsetningar)
• geti beitt óákveðnum fornöfnum og ábendingarfornöfnum

Efnisatriði – leiðardæmi
Störf fyrir unglinga með skólanum og í sumarfríinu, vinnuumhverfi, laun, fatnaður, vasapeningar, neysla unglinga, neysla fullorðinna, fjölskyldan, heimilið, vinir, skóli, samskipti á vinnustað, áhugamál, t.d. kvikmyndir, tónlist, tíska, tölvur, dulspeki, geimvísindi og tækni.

Námsmat
Námsmat tekur mið af þeirri vinnu sem nemendum er ætlað að inna af hendi samkvæmt námsáætlun og kröfur gerðar í samræmi við það. Meta skal alla færniþætti í hlutfalli við vægi þeirra í kennslunni /náminu. Nemendur eru gerðir ábyrgir fyrir mati að hluta til og þeim gerð grein fyrir því hvað verið er að meta, hvernig, hvenær og hvers vegna. Námsmat getur verið í formi símats eða lokamats.