DAN 503 Bókmenntir, fjölmiðlar, þemavinna II

Undanfari: DAN 403

Áfangamarkmið

Nemandi
geti lesið alla texta sér til gagns
geti skilið svo til allt talað mál nema um sé að ræða mjög sérhæft efni
geti tekið orðið
geti haldið orðinu
geti látið aðra fá orðið
geti tekið þátt í samræðum þriggja eða fleiri
þekki og geti beitt helstu málnotkunarreglum
kunni að haga orðum sínum og athöfnum á viðeigandi hátt við ólíkar aðstæður
geti skráð lykilatriði úr lesefni
geti samið vinnuplagg
geti búið til margþætta orðtengslamynd með lykilorðum sem grunn að samfelldum texta
geti samið drög/uppkast að skriflegu verkefni
geti samið skýrslur

Efnisflokkar
Dægurbókmenntir, fréttir, rannsóknarefni.

Námsmat
Mat ætti einkum að beinast að því hvort notaður sé orðaforði við hæfi, hvort málbeiting sé í samræmi við þá getu sem krefjast má, hvort vinnubrögð séu frambærileg og loks hvort vinnuframlag sé fullnægjandi.

Þegar nemendur vinna að verkefnum sem eru mismunandi að umfangi og fjölda og beinast að þjálfun mismunandi færniþátta er æskilegt að hver nemandi haldi leiðarbók yfir vinnu sína, skrái viðfangsefni, vinnufélaga, verkaskiptingu og rökstutt mat á því sem verið er að gera. Leiðarbókin gildir þá sem hluti af annareinkunn. Að öðru leyti ættu kennari og nemendur að ákveða í sameiningu í upphafi annar hvernig mati verður háttað og hvaða kröfur verður að standast með tilliti til markmiða í námskrá. Má jafnvel hugsa sér að nemendur meti sjálfir hvaða verkefni eru lögð fram til lokamats á önninni í stað formlegra prófa.