Inntökuskilyrði

Síðast breytt í mars 2010

Allir sem lokið hafa námi í grunnskóla samkvæmt lokamarkmiðum aðalnámskrár eða öðru jafngildu námi eiga kost á að hefja nám við Fjölbrautaskóla Snæfellinga. Inntökuskilyrði á einstakar brautir eru talin upp hér á eftir.

Inntökuskilyrði á almenna braut:

Almenn braut (AB) eru ætluð nemendum sem ekki hafa gert upp hug sinn varðandi val á námsbraut og þeim sem ekki uppfylla inntökuskilyrði á aðrar námsbrautir og þurfa að bæta undirbúning sinn í bóklegum greinum. Auk þess sem mikil áhersla er lögð á góð vinnubrögð og jákvæð viðhorf til náms. Almenn braut Veitir nemendum undirstöðuþekkingu í kjarnagreinum, upplýsingatækni og listgreinum. 24 einingar, 2 annir. Nemendur með einkunn undir 6 í tveimur eða fleiri fögum (íslenska, enska eða stærðfræði) innritast inn á almenna braut.

Inntökuskilyrði á stúdentsbrautir:

Nemendur sem eru með undir 6 í einkunn í einu fagi innritast inn á stúdentsbraut en taka 193 áfanga (einingalausan áfanga) í viðkomandi fagi. 

Félagsfræðabraut Námið veitir nemendum góða almenna undirstöðuþekkingu í bóklegu námi með áherslu á samfélagsgreinar.

Náttúrufræðabraut Námið á brautinni er ætlað að veita nemendum góða almenna undirstöðu-þekkingu í bóklegum greinum með áherslu á sérsvið náttúruvísinda.

Málabraut Námið á brautinni er ætlað að veita nemendum góða almenna undirstöðuþekkingu í bóklegum greinum með áherslu á erlend tungumál.